قول يا قلم واكتب واوعى تحيد يوم عن سكتك
قول واصرخ من الوجع واوعى حد يسكتك
قوم وواجه وريهم انك قوي ويلا نشف دمعتك
يلا البس توب الارادة واخرج بسرعة من محنتك
قوم وسمع الكون بحاله صوتك وانغام ضحكتك
خلي دايما عندك امل واوعي تضيع بسمتك
الدنيا كده هموم وشقي ويتغلبها انت يتغلبك
متكنش فاكر انها ممكن يوم تدلعك وتهننك
تاخد منك ال يفرحك ومن ال تحبه تحرمك
ولو ضحكت لك ف يوم يبقي اكيد هتالمك
ولو مشيت يوم وراها تتحكم فيك وتستعبدك
وتبقي راجل نص ليه ومحدش ابدا يسترجلك
وريها نفسك ودوس عليها قبل ما هو تدهوسك
اوعى تسلم وتحن ليها واسقيها من كاس قسوتك
ياما ناس ضحكت عليهم اوعى تكون دي اخرتك
اتغدي انت بيها قبل ما هي تتعشي بيك وتفتتك
وامشي ف طريقك بكل عزة ويلا كمل مهمتك
********** خالد الشرقاوي **********
ليست هناك تعليقات:
إرسال تعليق