هى عيشه ولا اكتر الشاعرة عبير درويش

هى عيشه ولا اكتر ؟
طب ليه نفضل نفكر
ونحزن ونتكدر
ونقول يارتنا كنا
واشمعنى يعنى غيرنا
وما نرضاش بقسمتنا
وعلى حالنا ليه نتحسر
ده ربك مقسمها
بحكمه هو عالمها
واكيد اداك حاجات
غيرك اتحرمو منها
احمد ربك وعيشها
لو شوفت الغيب تلاقى
بلاوى كتير وربك
برحمته حايشها
يبقى المؤمن بربه
لازم يتركها و يطنشها
لو جاتله لحظة حزن
يطردها ويطفشها
لازم ترضى بنصيبك
ترضى ما ترضى هيصيبك
طيب وليه ما ترضاش
وتخلى حزنك والمك
يروحو عليك بلاش
ده العمر مهما طال
مسيره فى يوم هيخلص
ويوم الحساب يجمعنا
وكل الحقوق هتخلص ...
عبير درويش 💕