قصيدة النصر والهزيمة
.......
.
انا مواليد ١٩٦٦
اول ما عيني فتحت
شوفت الهزيمة
شوفت اليهود بغدرهم
دخلو علينا ارض سينا
دخلو علينا ارضنا
ونجسو ارض المدينة
شوفت جنودنا تباد
شوفت امي بتبكي
وابويا خايف علي الولاد
شوفت بلدي حزينه
وتكتسي بثوب السواد
شوفت الهلال ويا الصليب
شوفت محمد ويا مينا بيبكو
حزنا علي البلاد
كانو يعايرو الجندي
اللي لابسه بدلته
كانو يقولو خسارة
انه ياكل لقمته
وكانت ارضنا تبكي
والمزارع سايب ساقيته
كان السواد في كل
حته في ارضنا
كنا بنبكي وعلم بلدنا يضمنا
كانت مشايخنا تصبرنا
وهي تؤمنا
لما تخلي الكل عنا
كان معانا ربنا
...........
قام الزعيم ويا الجنود
بصوعلي ارض الجدود
واقسمو بكتاب الله
ما تتوجد لينا حياة
لوسينا يأخدها اليهود
الجنود اتعلمت كيف الصمود
اتدربت علي الصعود
كانو بيدعو ربنا
وهما واقفين علي الحدود
مستنين الامر لاجل يمحو
عدونا من الوجود
لاجل القرود ما يسمعو
زئير الاسود
كانو يغنو في سرهم ويرددو
ارضنا لازم تعود
ارضنا لازم تعود
لازم نحطم خط بارليف
ونزيل معاه كل السدود
.......
وفي الصيام ارض
العدو اتزلزلت
صارت حطام
هجمت نسور الجو
كأنها اسراب حمام
والرجال عبرو القناة
نسيو الجروح
نسيو الالام
نسيو النيران
نسيو الكلام
لما شافو ارضهم
تنده عليهم
خلصوني من اللئام
حضنو سينا بصدرهم
وزرعها من دمهم
مليون تحية يا ارضنا
مليون سلام
كان العدو يرتجف
يرتعش يبكي
علي الاحلام
كان يحلم بالبقاء
كان يحلم بالفناء
لامة الاسلام
بس جيشنا لما هاجم
هاجم في عز النهار
في عز الصيام
جيشنا عمره ماكان يخون
عمر جيشنا ماكان جبان
رضا ابو شنب
مصر الدقهلية
ميت غمر
ليست هناك تعليقات:
إرسال تعليق