أنا والبالة حتى تزيان الحالة
عمي مول البالة
مول الدربالة والنعالة
وقتاش تزيان الحالة
حافظ وقتك
عارف خبز النهار
ما يجي بالسهالة
خبزك فقرابك
بالبالة معيش اولادك
واخة ساكن وسط نوالة
جوعك فكرشك
وعنايتك فراسك
ما ترضى بمن والة
فالليل تجمع اولادك
تحكيلهم على صبر البالة
مع القوم الجهالة
شحال من دار عليتي
ودرتيلها الضالة
تتخلص بجوج فرنك
وميات ريالة
مول الشي ما يراعي
ما ناوي يزين الحالة
ما يعرف بحقك
ديما عاطيك بالظهر
عاطيك النخالة
لا ورق لا تأمين
والحالة هي الحالة
توفيق بومدين
ليست هناك تعليقات:
إرسال تعليق