هاد الجرح ماابغاإبرا بقلم محمد كادين

هاد الجرح ما ابغا إبرا

بكثرة الهَمْ أُُو كثرة الغم

أُوغْدايدْ ناس ما ابغات اتفهم

هاد البلاد ما اْعْرَفْت مالها ما ابغات اتقدم

وحكامها كلشي مطلي بالدرهم

لكن مع الايام دابا تندم

بلادي جرحي فيها ما ابغا ابرا من الدم

ولا انا ابغيت انفهم

اش واقع ليك أ مُولْ الراس الميَدَّم

 بلادي بلاد الفقر والحگرة

و الجربة اللي ما ابغات اتبرا

في الجرح اللي اْرْبِيتو فيا بكثرة الهضرا

انْغوَّت أُو اْنگول

ياربي فكنا من هاد المحنة

أُوفيق يابنادم يا خو البگرة

راه بلادك طايحا في الحفرة

وحك حك حك الدبرا اْتْبرا...

محمد كادين
المغرب