انت البديل بقلم الشاعر التهامي فريشح

(  أنت البديل  )
بالعقل مش بالبدن إنسان
فافهم كلامى حكم ..
مش وحى جاى م الجان
يا صوت خناجر كدابين في القول
الحق سيف مسلول
والصمت وقت الإنبطاح مذلول
فما تهزموش الإرادة
دى القهوة سادة
والوهم صامد معاند
متحدى فوج الإبادة
يا مسطرين الوطن إجماع
ثورة يناير كات حلم لينا وضاع
والكف فوق القفا نازل متلذذ الأوجاع
إفرد صمودك
فرعون محاصر حدودك
إصحن مدامع خدودك
بالكف إعلن ردودك
رد بصاعين ع الصاع
يا صوت نسور الأمل
كل البشر أسماع
ما تقولش إيه العمل
في شلة الأطماع
سيبك من إللى انحنى
دا أصله ديل
وعشان يسلسل خطوتك
سؤاله إيه البديل
أنت البديل
قدف فى وش الريح
نادى على المجاريح
دا انا لسه مؤمن والوطن
سابق خطاك تسابيح
***********
*** الشاعر التهامى فريشح