:
اجيك يا نيل
ةةةةةةةةةةة
جايك يا نيل اشكيك همى
القاك عليل
قاطع لى مليون ميل فى دربى
الامر خطير فى ظلام الليل ضاع مسدارى
لا خفت صعاب واصلت السير تعب جسمى
جايك ملتاع وشايل همى
القاك فى رحيل فى عز الليل هارب منى
اجيك يانيل شايل امال صبر همى
واكتب ليك كم موال
وازيد نمى
اسطر روعة المشوار حروف مكتوبه من دمى
واجيك يا نيل ومعاى همى
اكلم موجك السارح مع ظرزفى
الاقى صداها بالامواج مستنى
درب الرجعه للفرحه ويزيل وجعى
معاك يانيل يطول سهرى
اغالب قسوة الاقدار يطول سفرى
وااقيف مجبور على كف القدر امشى
طريق مليان مخاطر ريد ه فى فلبى
بيبكى علىك وينزف ديمه دون اذنى
واجيك يا نيل ومعاى همى
الاقى فى لجتك لوحة صباح امى
واشوف فى عزة قوة جمال والدى
وتكون العزوة والصحبه واخوانى
تكون الجيرة والعشرة واحبابى
فيك جمال بنات الحور اخواتى
واجيك يا نيل ومعاى همى
وانظم فى القصيد الوان و اغنى
اعبر عن مشاعر دافقه جواى
بى فرحى
واجيك مجبور معاى همى
منو الغيرك بشيل الامى زى امى
من الغيرك بيزيل وجعى زى والد ى
انت اخوى انت ابوى ورفيق دربى
منو الغيرك اكلمه ديمه بي سرى
منو الغيرك يصبرنى و بشيل همى
ويزرع لى جمال الفرحه قى دربى
تعال يانيل تعال جنبى
خفف لي الامى وزيل غلبى
غلبنى اشيل همك واشيل همى
تعال با نيل نسافر ليل لى حبى
منتظرك على الابواب فى دربى
وتعال يانيل يا عشق اصييل يا قللبى
وتعال يا نيل شاركنى وشيل همى
وخفف لى دروب الرجعة لى وطنى
تعال وتعال وتعال وشيل همى
حياةالملك
ليست هناك تعليقات:
إرسال تعليق