أنا والبحر الشاعر عبد المنعم طويل

أنا. ...والبحر
مالك يابحرهايج وحزين...
وامواجك عالية
ودموعك عالشط سايلة...
يابحر...انا متلك حزين
والشوق بقلبي دفين
على ناس اغلى من الغلا
غاليين
تركوني معك وسافروا الحلوين .
ما عدنا يا بحر معك
استمتعنا
ولا لفنجان القهوة طعم ومعنى
بغياب الحبايب
والمحبين.
يابحر حتى الشمس بشروقها
صارت تخجل وتتأخر
وبين الغيوم السودا تتخبى...
وصارت تحب الغروب بكير..
ودفاها ما عاد حر كتير
والسما على فراقهم دموعها
نزلت وقالت وين اللي
كنت اتصبح فيهم كل يوم
بكير..؟
قلت لهم راحوا الغوالي
وتركوني وحيد
الله معاهم يحميهم ويسعدهم
والصبر لقلبي يزيد..
عبدالمنعم طويل