طالب الغفران
أنا اللي خنتك يا لمحبوب
و جازيتك بالهجر و النسيان
راجع لحضنك فيه نتوب
طالب الشفاعة و الغفران
جيتك ب عقل مسلوب
و قلب عليل ولهان
سامحيني فهاذي و نتوب
يا زينة النسوان
نقرة صافية مافيك عيبوب
أنا اللي نحاسي صدق عيان
بكل صراحة و دون كذوب
ما شفت منك غير الإحسان
مزال ف حبك نذوب
ما نسيت عشرة زمان
أنا فأمرك وليت مغلوب
و من راسي حشمان
راني محطم و منكوب
و على فعايلي ندمان
عيني لعبت بيا لعوب
و بقيت شفايا للعديان
هاذ شي مقدر و مكتوب
و كان اللي كان
انت القاضي و انا المغلوب
خففي عليا من لحزان
علي الگرش: 2018/10/02
ليست هناك تعليقات:
إرسال تعليق