فين ايام فضالة الشاعر بوسبولة المحجوب

//////***فين  ايام  فضالة***//////

//***فين ايام      مولات    الحايك ***//
//***وافين زمان      غادي  وجايك***//
//**ياك     شاهدة  المرسى ولفلايك **//

//**والموجة رفيقة  من      ازمان **//
//**والنسمة      لمداعبة      لمكان**//
//**ياك كل   ماكان  وكان    وكان**//

//**نقسم  بهواك   صافي    لقديم  **//
//**دفء  والولفة  وداك    نسيم  **//
//**والواد للي   كان وقتها  سليم  **//

//**وتعلمنا   فيه          سباحة   **//
//**كنا   فيه  ف حنان    الراحة  **//
//**ياك جامعنا   الحب  وسماحة  **//

//**حالو ياناس   زايد     يشكي   **//
//**حالة  ياك   مخلياه    يبكي    **//
//**لمن   يروي  لمن    يحكي    **//

//**حطبة  تغيرت والناس لقدام   **//
//**والجو  تبدل  بسواد   الغيم   **//
//**صحبة  ورفاق لخوال وعمام **//

//**كانت   لمحبة      كا تخاوي **//
//**ياك كانت   الجورة  كداوي  **//
//**ياك  مازال  مسيدها  راوي **//

//**عولامة   دارت     مابغات **//
//**وفضالة   انسات   وكبرات **//
//**وسطور تاريخها  اتخبات   **//

//////******كلمات الزجال  بوسبولة المحجوب ******//////
///***في  المحمدية  27/4/2018 ***///