قصيدة عامية
بقلم: صلاح منير
"أنساني"
آه لو تنساني
وتنسى اسمي وعنواني
بعد اللي شفته في حبك
مبقاش فيه حاجة تاني
تخليني أبقي على حبك
يا لي بتتغير في ثواني
مقدرش أصبر على ظلمك
مبقتش سعيدة أنا في قربك
وانت اللي خلتني أقول لك
ياريت يا سيدي تنساني
دنيتي مش حتقف من بعدك
وأكيد راح أحب من تاني
بتقول عايزني أرجع لك
ازاي أقدر أنا أرجع لك
وأعيش عذابي من تاني
أنا سعيدة كدة في بعدك
ولا عندي استعداد أسمع لك
شلتك من قلبي ووجداني
وخلاص اتعودت على بعدك
وزي ما نسيتك أنا انساني
الحب خلاص مبقاش موجود
وطريقنا سوى طريق مسدود
ولا عمري أتمنا أيامه تعود
علشان دايما للصبر حدود
في حياتي خلاص مبقلكش وجود
زي ما نسيتك أنا انساني
وانسى اسمي وعنواني
دنيتي مش حتقف من بعدك
وأكيد راح أحب من تاني
ابعد عني وسبني أعيش
الحياة على واحد مبتقفش
بكره تحب غيري وتنساني
تندم على حبي أو ما تندمش
ده شئ بقى ما يهمنيش
دنيتي مش حتقف من بعدك
وأكيد راح أحب من تاني
زي ما نسيتك أنا انساني
وانسى اسمي وعنواني
ابعد عني وسبني أعيش
صلاح منير
ليست هناك تعليقات:
إرسال تعليق