اضحك فرفش بقلم صلاح منير

بقلم: صلاح منير

"اضحك فرفش"

انسى همومك.. اضحك فرفش
دوس ع الدنيا .. اوعى دوسك
روح للضحكة .. عنها تفتش
عيش اللحظة .. ارمي همومك
أي ملامة .. ما تهمكش
نفض يا بني .. للي يلومك
دي الأيام .. ما بتتعوضش
خلي البسمة .. بنزين يومك
دنيا غرورة .. ما بتدومش
تزعل ليه .. وتشيل ف همومك
عيش اليوم ده .. بكرة ح تمشي
لو بصيت للدنيا يا صحبي .. ساعة يادوبك
وزي ما قال المثل الشعبي .. ساعة الحظ ما تتعوضش
مهما يا بني طالت في الدنيا أيامك
شوف نهاية غيرك اللي معمرش
هي الدنيا زي م هلكت غيرك
بردو ح تاخد عمرك سريعا مارش
عالي الضحكة .. اسعد يومك
واسعد غيرك .. في اسعاده متستخسرش
ابعد يا بني عن النكدية .. النكدي معرفته تضرك
وأما تصدق كل دا يا بني .. تعيش بسعادة م تتقدرش
عيشها سعادة بكل ارادة .. أرمي همومك مين ح يلومك
انسى همومك.. اضحك فرفش .. اضحك فرفش

صلاح منير