الحر بالغمزة يفيق
يا جار أفهم لكلام
بلا عيب ولا خصام
ولا واحد فينا يتلام
يدي بالخير ممدودة للسلام
بالله عليك يا جار
حرام العيب و العار
و أنت ليل و نهار
تصوط و تنفخ على لجمار
و حبابك اؤ ناسك في الدار
من الناس الكرام لخيار
اللحم و الدم مشروك
منهم خاف راهم يفضحوك
لفمك صون و دير لجام
وانقص من التمويه ولكلام
وأنت سنين و اعوام
حالك هو حالك على الدوام
تحرم ناسك وتعطي للغير
للشهادة تشري بالتزوير
فيك يا جار العقل يحير
ضد السلام ضد التغيير
تفكر ياجار واش ناسي
راه وسط ناسك عايشن ناسي
أولاد ونسا و بنات
فرقتي الصلة في السبعينات
من يومها تغير الحال
عند اولاد و نسا و رجال
الدم على الدم راه يسال
ما نساو صلة الأرحام
يا جار أفهم لكلام
بلا عيب ولا خصام
حسب حساب الجورة
و الدم الخاوى مشروك
و لفمك يا جار دير لجام
نقص من لكلام اولادك يحاسبوك
الشاعر الغنائي
لحسن بوعاد
الجمعة، 27 أبريل 2018
الحر بالغمزة يفيق الشاعر لحسن بوعاد
الاشتراك في:
تعليقات الرسالة (Atom)
ليست هناك تعليقات:
إرسال تعليق