واش كان حبك تمثيل
حرام قلبك لي يهجر
وبلا سبة لي ينفر
كنت على فراقو ما نصبر
اليوم بان منو لغدر
بلا حجة ولا سباب
خلاني عايش في عذاب
ونقول هدا علي مكتاب
كان حبك لي تمثيل
وانا ثايق نهار ؤ ليل
ما كان عندي في البال
بلا سبة يتغير الحال
حرام على قلبك حرام
يغلق بابو على لغرام
وينسى حلاوة ليام
بلا سبة قلبك عاداني
هرب هجرني ؤ خلاني
عايش تايه ساهي وحداني
على غفلة جا لفراق
وظهر ؤ بان النفاق
الغلطة منو ماشي مني
هو لي قسى تعدى وظلمني
في ساعة تغير ليه الحال
ونساني وعلي ما بقى يسال
حرام يا عشاق حرام
هكدا نثيقو ونعيشو لغرام
الشاعر الغنائي
لحسن بوعاد
ليست هناك تعليقات:
إرسال تعليق