كنا شلة صحاب الشاعر رمضان

كنا شلة صحاب إبراهيم خليفه رمضان
كنا شلة صحاب
نقعد علي حافة ليل مودع بكره
ومعبي اف عبه هموم الناس
***
من هم لهم بقيله مكان
يرجع فارط حجره
ولامم احلام الناس
وماشي
قام صاحبي بص من الشباك ابتاعه
فتح امبارح فيه وشاف
كل امبارح فيه مفقود
من اول كلمه اتقالت
اتعيش وابوك يموت
لاجل ما تيجي عليه وتفوت
من ساعة م البت حبيبتي
ندهت لي وقالت
حلم الفارس ليه بيموت
والبت اتزحلق رجليها
اف بكره
وتقول كان ليه حبيب
وصبح مفقود
وصاحبي اللي مره نده ليه
وقالي :
اقعد ويايا أندخن شيشه
ونشرب شاي
قلتله : اقعد انته
انا رايح اغيظ في بكره وجاي
نشرب شاي وندخن شيشه
ونقول لبكره :
فرد الليل قلوعه وجاي
لاجل ما يطوي فيك الضي