مكمليين بقلم / علي فراج

مكملين
نعيش الخدع
مكملين
في ضرب الودع
ومش شايفين
موت الجدع
لما أتنزع
منه بكرة
كأن الحلم
ماضي وذكرى
ولكل ذكري
جنون صرع
ماحد منها يتورع
والشمس قاتله ضلها
يامين يعيش بعثها
ليلة ميلاد حملها
علي أرضها زرع
والروح في الجسد
لسه بتنبت مدد
في نن عين الولد
لسه في ضهر الوتد
رغم مرار الحسد
إنما بالإيمان شبع
كاسي النفس وقنع
بالأمل مكملين
وإن عيشنا بالخدع
وكلنا حاضنين
بكرة آل تزرع
ومهما كان الوجع
إنما حالميين
نكون صافيين
بالأمل راضيين
وإن اتحرمنا م المتع
نشوف جمال الخلق
في حلم صبيه وجدع
..  ..  ..  ..  ..  ..  ..  ..
                           ( علي فراج )