مهزلة الإنتخابات
يا مواطن يا حر خدم عقلك و عيق
اجمع راسك و من الگلبة فيق
لا تكون مقولب بحال لبريق
يشحر أتاي واش كيستافد من غير لحريق
راك وليتي قنطرة و داروك طريق
من نهار حطيتي ورقتك ف صنيديق
اعطيتي صوتك ل فاسد و زنديق
ما فكرتي ف سيرتو ما قلتي واش يليق
بك اطلع ل مراتب كبار ولى عاطيها للسريق
يكتب الأملاك ل مراتو و لا لخوه الشقيق
ب وعود معسولة دوخك و خلاك تثيق
واش ما قادر تكون طير حر و تحلق تحليق
و انت حال فمك وعاطيها للتصفيق
ف اللخر جزاك بالزيادة ف المعيشة سحقك سحيق
اسمح فيك ف بحر لغلا و انت أصلا غريق
ملي توصل الإنتخابات عاد يبدا السلام و التبنديق
أنا ما نعاشر سياسي ما نديرو رفيق
حيت عارفو من هاذ شي كامل غايدي غير كفن رقيق
و انت يلا كنتي حر و نار الفساد حرقاتك حريق
بان نشوفك و خلي تحت المنشور شي تعليق
علي الگرش : 2018/04/25
يا مواطن يا حر خدم عقلك و عيق
اجمع راسك و من الگلبة فيق
لا تكون مقولب بحال لبريق
يشحر أتاي واش كيستافد من غير لحريق
راك وليتي قنطرة و داروك طريق
من نهار حطيتي ورقتك ف صنيديق
اعطيتي صوتك ل فاسد و زنديق
ما فكرتي ف سيرتو ما قلتي واش يليق
بك اطلع ل مراتب كبار ولى عاطيها للسريق
يكتب الأملاك ل مراتو و لا لخوه الشقيق
ب وعود معسولة دوخك و خلاك تثيق
واش ما قادر تكون طير حر و تحلق تحليق
و انت حال فمك وعاطيها للتصفيق
ف اللخر جزاك بالزيادة ف المعيشة سحقك سحيق
اسمح فيك ف بحر لغلا و انت أصلا غريق
ملي توصل الإنتخابات عاد يبدا السلام و التبنديق
أنا ما نعاشر سياسي ما نديرو رفيق
حيت عارفو من هاذ شي كامل غايدي غير كفن رقيق
و انت يلا كنتي حر و نار الفساد حرقاتك حريق
بان نشوفك و خلي تحت المنشور شي تعليق
علي الگرش : 2018/04/25
ليست هناك تعليقات:
إرسال تعليق