طايب وهاري ///بائع الفول والحمص/////
سرو سخونيتو ياناس
وبخارو جذباها لنفاس
ملحة والكمون سر المهنة
بيها مسكين وشحال غنى
هاطايب وهاري يادراري
هالحمص اسخون ياجاري
دخان عوادو ياك ظاهر
يظهر من بعيد وجاهر
هذا سر طايب وهاري
ننسى فيه دنيا وماجاري
وعلى لعواد ياك متعود
طايب وهاري ياك موجود
لناس بحالي وبحالك
اسواق وزناقي شحال سالك
طول نهار قدام لمدارس
يجري من هنا ياك ماجالس
رزق ولادو فكريرستو
معروفة سيادي اوقايتو
وبلى ماتشعر تمد ايديك
وتسرقو ياك يبقى يشوف فيك
طايب وهاري ياعشاقو
هذا الحمص ياذواقو
ويسخن الحلق ويزيد الجوف
وتزيد الكمون بلى خوف
ياك هذا حالو طول نهار
ويرجع ثعبان مسكين لدار
من لسانو اسمع وتمعن
رزق الجوف وشحال كيمحن
باقي الله يادوك دراري
حثى الغدة لبغا الباري
كلمات بوسبولة المحجوب
ليست هناك تعليقات:
إرسال تعليق