. قطفة حبق
شعر باللغة المحكية
بتتذكري ؟؟
بتتذكري لما كنت
بالصيف لا عندك اجي
وتسمعي صوتي
وتركضي تتكحلي و تتبرجي
والخجل يلبسني
ولامك اسالا
وين القمر؟و الروح
فيي ملهوجي
تردلي اهلا وسهلا
و يامية هلا
والقمر هون و بعد
لحظات لا عندك يجي
و تعانقيني و همس
عشفافك صلا
و متل الحجل
عغصون عمري تكرجي
و قميصي بباضو بكحل
مع حمرا ابتلا
ويصير لازملو
غسل يا مغنجي
وتا تعملي حجة
فنجاني بالقهوة امتلا
وعاصدري بيخفة اندلق
باسم المزح و عم بتهرجي
ويمضي الوقت بين الغسل
والكي يا اغلا الغلا
بضحك ولعب وعطور
وردي ع اما مسيجي.
عازار الريم سورية.
ليست هناك تعليقات:
إرسال تعليق