لميمة
''''''''''''
اليوم عل لميمة بغيت نهضر
شي كلام ف حقها لازم يتنشر
نساوي ف لقوافي و نزيد نعبر
اسمع ياللي نسا ميمتو ؤ ليها تنكر
باعت رخيص و بالي تسناك تكبر
راه شوكتها صعيبة عليك ب صبر
ياك ف لكرش هزاتك تسع اشهر
ؤ حضناتك بين اليدين و الصدر
مركباك ف ظهرها تنتف ف الشعر
رضعاتك و قالت ياكما خاصو اكثر
ويلا مرضتي على راحتك كتسهر
ؤ وصلاتك لهاذ لقدر
عل الجنة اللي تحت اقدامها غض لبصر
ؤ ما تحكهاش واخا تطيح ف عينك كيف لحجر
احسن بها يلا تأخر بها لعمر
برضاها يأتيك ربي ب الستر
و طلبو يرحمكم بجوج تحت لقبر
علي الكرش : في 2018/2/24
ليست هناك تعليقات:
إرسال تعليق