مرج الورد… شروقيه
من ديواني حفنة غزل
،،،،،،،،،،،،،،،،،،،،،،،،،،،،،،،،،،،
يلّي عَ كتفك جدلتي الليل جدُّولي
ومثلو درزتي ربيع الكون مرْيولي
شهرين صارلي بيجي بنادي من الشباك
ومبحوح صوت الورد بيرد مشغولي
كنتي بلهفه تلقيلي وتسألي شو باك
وميّل تسلا معي حضَّرت تبولي
وركوة القهوه ع شكلي ناطره ملقاك
رقصت ب قلبا حبوب الهيل بهلولي
وياما بحياتي حلفتي وليك بترجاك
وتكرج الكحله ع مرج الورد مبلولي
وشوفه بمحله بقي هالشرشف ال غطاك
بتصرخ خيطانو على المحبوب نادولي
واليوم لنُّو اسألي العصفور مين ربَّك
ومن وين ثمو شِرب ميات معسولي
وعودي ل مضيكِ ارجعي وقولي بعد بهواك
وان كان عندك سِوى هالقول لَ تقولي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق