مين ؟!بقلم إسماعيل جاب الله

مين؟!
مدي إيدك جوه بطني وافتحيها
طلعي مني الحقيقه.. أشنقيها
وارفعي عني الكمامه.. لودقيقه
عندي كلمه فوق لساني.. مين ربطني؟.كلمه طالعه بالسليقه
اكتبيها.. انطقيها.. اصرخيها..
شوفي مين شاطك وشاطني
والكلام مخنوق في حلقي
الاتهام مجدول لشنقي..
والسطورفاضيه وبريئه.. والقلوب
كانت مضيئه.. كان علي وشي
ابتسامه.. انطفت خلف الكمامه..
والبحورهايجه وغريقه.. اختفت فين الشهامه؟!إفتحي قفص اليمامه.. طيريها.. مدي إيدك
واكسري عني حديدك.. اصل انا
عبدك وسيدك.. بسمتي من غير
شفايف .والكلام ف.الحلق.. خايف.. ضحكتي في الجوف حريقه. مدي ايدك جوه بطني
طلعي مني الحقيقه. .وارفعي عني الكمامه لودقيقه.. واسمعي
كلمة ملامه. اسمعيها.. ردديها..
علقيهاف. الجناين اوعلي سور
المداين. كل شئ في عينيك.. باين.. اكتبي.. مين اللي خاين.؟!
         اكتبي.. مين اللي خاين ؟!
    إسماعيل جاب الله. اسكندريه