قصيدة/ الوداع
هنساكى وانسى اسمك وكأنى معرفتكيش٠
ما انا قبلك كنت عايش وبعدك أكيد هعيش٠
هنسى ألحب إللى كان هنسى القلب اللى خان ٠
وان يوم سألوني عنك راح اقول ماشفتكيش٠
كرهت كذبك وخداعك كرهت فيكى اللوم الغش٠
قلبى إللى حبك أهو باعك لما شافك بالف وش ٠
يوم اشوف الابتسامه مرسومه على الخدود٠
ويوم تقولى خلى بينى وبينك دايما حدود ٠
مين يأمن ليكى تانى مين يسلم نفسه ليكى٠
ضيعتى ليه كل الامانى إللى كانت فى ايديكى ٠
بكره تعدى بيكى السنين وتلاقى عمرك بيجرى٠
ساعتها هتلاقى الحنين لحبى فى دمك بيسرى٠
انسينى زى ما انا نسيتك انسينى لو يوم تقديرى ٠
نسيت حبك ونسيت حياتك لما لاقيتك بتغدرى ٠
مسحتك من حياتى ونسيت كل اللى فات ٠
ونسيت ذكراياتى كل شئ معاكى مات ٠
مش باقى ليكى عندى غير ذكرى مؤلمه ٠
مهما السنين تعدى فى حياتى معلمه ٠
مش هقول ليكى الوداع الوداع ده لحد غالى٠
ماتتقلش لحد باع حتى صورتك راحت من خيالى٠
نسيتك ونسيت اسمك وكأنى معرفتكيش٠ ٠
ما انا قبلك كنت عايش وبعدك أكيد هعيش ٠
شعر/ كمال البنا
ليست هناك تعليقات:
إرسال تعليق