ق/صعب إني اشوف دموعكِ
ك/أحـمـد عبد الرحمن صـالح
ليه بتبكي وإنتِ عـــارفــه
إني صعب اشوف دموعكِ
غصـب عـنـي صــدقـينـي
إني أنسـي يــوم رجـوعكِ
اللي بـنـا حــــاجــة بـاقية
نبض شاهـد بين ضلوعكِ
كل ذرة بين مـشـــاعـــري
قلبـي عشهـا بين شموعكِ
لما كنتي في حضـن قلبي
كنت ملكـك تحـت طوعكِ
كنـت كل حـــــاجــــه ليكِ
كان بيقـتلـنـي خـشـوعـكِ
وإنتِ جـنبـي بتحـضُنينـي
بالحنان اللي ف خضوعكِ
عمر قلبـي مــا كــان يفكر
إنــه يــوم يقـبـل ركـوعكِ
صعب ينسي هــواكِ ثانية
صـدقـينـي مش بطــوعكِ
إنتِ كـل حـــــاجــــه لـيـا
لسه زهـــري بين فروعـكِ
إنت أجـــمــل قصــة لـيـا
قلبـي عشـهـا بين ربوعكِ
مستـحـيـل هـقـــدر أكمل
غير وقلبـي بين ضلـوعكِ
ليه بتبكي وإنتِ عـــارفـه
إني بكره اشـوف دموعكِ
كلمات/أحمد عبد الرحمن صالح
ليست هناك تعليقات:
إرسال تعليق