⚜شكد غلاك ⚜ نظم والقاء
⚜عماد الشمري⚜
حبيبي الدنيه ماتسوه بلياك
احسه الدنيه وحشة من دونك
ماتملي عيوني بس حلاياك
توحشني نضرة عيونك
ينادر وجودك ياملاك
شله بالنظر عين الماتشوفك
عزيز انت َ وتدري شكد غلاك
اخاف عليك من الهوى يجوسك
ومن تجي افرح بملكاك
محتار شلون احضنك ومنين ابوسك
يلي خليتني اتبع خطاك
ياريتني تلميذك واحضر دروسك
ومهما طال بينه الفراق
للأبد تبقى حبيبي وما اعوفك
بغيابك العذال قالوا هذا نساك
اردهم حيل بزعل لان افهم ظروفك
عايش ابقى على امل ذكراك
مراسيلك تطمني
وجميل ماتكتب حروفك
تدري ملجوم الكَلب بجفاك
يالغايب بعيد
باقي بأحلامي
وتحضرني طيوفك
عماد الشمري/ العراق
⚜⚜⚜⚜⚜⚜⚜⚜⚜⚜⚜⚜
ليست هناك تعليقات:
إرسال تعليق