انا المصري.
.................
دى اسمي
ودى رسمي
ودى لوني
ودى جسمي
ودى علمي
ودى قلمي
ودى هرمي
ودى ألمي
اجوع مرة
اكل مرة
انا الفرعون
صاين عهدي
وافي بوعدي
وعمري ماخون
ومهما تاني ياميا
انا وياك انا ابنك
انا دراعك ومش هلفوت
اموت مرة
وميت مرة
بحبك موت
اسيت كتير
مرضتي كتير
وانا تعبان
لكن شايف
جناين خير
دى راهب
عايش في الدير
ودى جامع
ودي كنيسة
الكل ياميا صابر
عشان عارفين
تنادي عليهم
يقولوا حاضر
خلاص جايين
وجوزك الاخراني يامه
اسي عليا
ورغم اسوته يامه
عايش فيا
انا بحبه
شايله في قلبي وعنيا
عارفة ليه
عشان عارف خوفه عليكي
وزي النهارده من كم سنة
حط رقبته فدى عنيكي
كتير يامه بدعي له
وساعات العيشة تخنقني
ادعي عليه
وارجع تاني اقول لا
دى ذنبه ايه
وافتح له انا الدفتر
ألقاه يامه بيزرع خير
ورغم اسوته عليا
سامع صوت يناديني
يبشرني دى جي الخير
انا المصري
صاين ارضي
صاين عرضي
انا الفرعون
حافظ عهدي
وافي بوعدي
وعمري ما خون
بقلم أشرف شحاته سليم
الجمعة، 29 يونيو 2018
انا المصري الشاعر اشرف شحاته سليم
الاشتراك في:
تعليقات الرسالة (Atom)
ليست هناك تعليقات:
إرسال تعليق