اعتراف الشاعر محمد على عاشور

اعتراف
بقلم/ محمد على عاشور
بعترف لك
يا بهبه
أننا شلة عيال
و التفاهه ماليه روحنا
فهمونا أن احنا
بالعزيمة نمتلكها
و العزيمة كبلوها بالرصاص
يا بهبه اغفريلى
جبنى نايم جوه منى
عشش الترهيب نفوسنا
بلسنتهم
ابن موسى و يا تامر
و الحديدى و يا الاقرع
و ابن عيسى و يا عكشه
كله ينعق بالأوامر
و أما  يشرد اى واحد
او يفوق
يبقى خاين
ا و عميل
يبقى  قابض من العماله
و احنا بنشوف دمع عينك
مالى قلبك
مالى عينك
يوم ما جولنا
جولنا أصحاب السعادة
جولنا أصحاب السيادة
جولنا أصحاب البلادة
يحكمونا
قالوا لينا احنا منكم
إحنا انتم
و إنهم قايمين عشانا
لكن الأيام تبين
إنهم شلة لصوص
و الفشل مالى عقولهم
و الطمع مالى قلوبهم
بعتذر لك يا بهيه
ع اللى فات و اللى مات
يمكن الأيام تزهزه   
يتعدل بينا اللى مال
يبقى ربى جت إرادته
يمكن أيامنا اللى جايه
يحسبونا م الرجال