زعلان ومتنكد بقلم الشاعر خيري حسنى

زعلان  ومتنكد
ومتكدر وحزين. 
تعالى.
إحكي لى وفضفض .
وأنا أشترى لك
فرحتك.
من وسط ألف
حزن  هخليلك
تبان ضحكتك
زعلان وبتقول
إنك وحيد. 
ماأنا طول عمرى
معاك.
قول وأنا أشاركك
وحدتك.
يا خساره لما
تكون حبيبى.
وبعشقك
وإتشكك
فى محبتك.
على فكره إنت
فيك عيوب كتيره
ومن  عيوبك.
إنك بتتكبر عليه
وياما بتهجرنى.
كتير.
وياما بتجرحنى
كتير.
وياما بتعصانى
كتير.
بس كنت أصبر
عليك.
ما أنا لازم أصبر
عليك. 
حتى لماكنت
تزيد بقسوتك.
يا ما عملت لك
من دموع عيني
وبكاهم
شمعه تنور لك
طريقك.
ولما تكون
فى خلوتك.
بس إنت بارضو
ما بيطمرش فيك.
حتى لو صنعت لك
من قلبى عجينه
لخبزتك. 
عاوز أقولك كلمه
وهقولها لك كتير.
لو زعلت فى يوم.
يا حبيبى.
قولى وأنا أشتري لك
فرحتك.
ما أنت حبيبى
وقلبى وروحى
وتنيهداتى.
وسهدى فى ليلى
الطويل.
وقمرى ونجومى. 
ونور عيني
إل بشوف بيها.
تكرهنى وبتبعد
ولما تجينى تبكى
أول ما تيجى
بسامحك
وبنشف دمعتك. 
وبتمنى قربك
ومودتك.
يمكن كل أل
أنا فيه من تعب
لهجرك وجفاك
وبعدك وكبرياءك
علي.
غلطتى
ومش غلطتك.
لما أحبك
وأنت تزيد فى
قسوتك.
ولما تيجى تزعل
أشترى لك
فرحتك. 

21/1/2018
ترنيمات وخواطر....... بقلم.......♤
خيرى حسنى.............................♤