. كسر المواجير
يا ولد.... كسر
معادشي فية طحين
لاجل يِتخِبز... ويتخمر
ما خلاص يا....سمر
الوابور.... خِرِب
وحجر الطحين... إتكسر
كسر المواجير
معادشي فيه حليب... يا عمر
الضرع نِشف.....وإتعلق
من الجوع في ضهر البقر
لو ضربتها بمييت عكاز
علي ضهرها الناشف
راح تتني وتتكسر
ولا تشوف منها...
بق لبن
ولا تحِنِلك حَنْه
من إمتى التراب..
بقي حِنْه
من إمتى يا... مْهَنَا
دي الهمه
بعد ما خدت... عل الكسل
من إمتى يا نمل
بقا في ضهرك ...السمن
وإنت أكلك... الفتافيت
وأخرك.... قشر البصل
من إمتى...الدبابير
بتبني الشمع
ولا بتنضح... عسل
من إمتى... الصيني
بيبقى فيه حاجه
بعد ما إتلحس.... وإتغسل
متقعمزيش يا فلاحه
عل المواجير
خليكي مرتاحه
خلاص كله بقا جاهز
بقا ....تفصيل
خلاص كله بقا... ورق
حتى.... البشر
حتى.... الصحون والمناديل
.....تسلموا....
إسماعيل هريدي 2018/01/29
ليست هناك تعليقات:
إرسال تعليق