حلم بقلم خيري حسنى

حلم.
أنام وأصحى.
على حلم.
أكون فى الحلم.
إنسان.
ولما أفارق دنيتكم.
أفارقها وأنا
فى أمان.
زمان. 
كنت صغير.
طفل وبلعب مع
الأطفال.
والحلم فى عنينا
كبير.
بنحلم نكون
جدعان.
شطار فى مدارسنا.
دا بيحلم يكون
أستاذ ودا بيحلم
يكون دكتور.
ودا مهندس.
وكان حلمى
حلم بسيط.
أكون فنان.
كنت أرسم أنا
فى لوحتى علم
مصر وآه من علمها
زمان.
لما يرفرف.
على مدرستى.
يرفرف يسبق الريح. 
مش كان علم
كسلان.
وكنت أرسم.
أبوي فى غيطه.
فلاح.
معاه فاسه.
وأرضه بتندهله.
مبسوطه ومليانه
حنان.
وكنت أرسم
عريس وعروسته.
وأزينها بكام
فستان.
إتعلمنا وسبقنا
زمنا وإدخلنا الجامعه
على حلم. 
نكون حاجه
مش سمكه صغيره
فى وسط
حيتان.
خلصت الجامعه
ودخلت الجيش.
وفى ظنى.
وظيفه فى بلدى.
مرموقه مش أكون
تعبان. 
فتشت هنا وهناك.
قالوا أبحث
على وسطه.
عشان تتوظف.
وإزاى ألاقى وسطه.
فى بلدى.
وأنا فقير وأبويه
فقير غلبان.
وأصحيت من
حلم على حلم
مكسوره فيه
نفسى.
أكون غريب عن
وطنى.
وأبحث على
أوطان.
ألاقينى ولو مره
أكون إنسان.
ليه كلمه
وكرمتى محفوظه
مش كرامه
تهان.
يا خساره.
الحلم على الفاضى.
كبرنا وأدينا شبنا.
ولسه الحلم
أنا فاكره كأنه
إمبارح.
غريب عن بلدى.
وفى عيشه
فيها
حيران.
حلم.
أنام وأصحى.
على حلم.
أكون فى الحلم.
إنسان.
30/1/2018
ترنيمات وخواطر....... بقلم......♤
خيرى حسنى...........................♤