تقول لمين بقلم الكاتب / ربيع الغريب

((((  تقول  لمين  ))))
كلمات/  ربيع الغريب
............................

تقول لمين  ... وتعيد لمين
والدنيا  ياما  فيها  غدارين
فيها  مغرورين ..  متكبرين
نفخه  كدابه ....  متعنتزين
لو  كل  واحد  يعرف  أصله
كنا  حقيقى  إرتاحنا .. كتير
وتقول لمين  ..  وتعيد لمين
........  تقول لمين  ........
...............................
لا كان  دا عشمى  ولا  رجائى
ياللى بتجرحوا من غير داعى
المكر  باين  ..... فى  عنيكوا
ولسانكوا  فيه ... سم  أفاعى
ولا كان دا عشمى  ولا رجائى
.................................
طلعتوا  ناس  كدا  .. غدارين
على  كل  لون  .....  متلونين
فى  الوش  بتكونوا   ملايكه
وف  ضهرنا  تبقوا   منافقين
دا لو  كل واحد يعرف  أصله
كنا  حقيقى ..  إرتاحنا  كتير
وتقول لمين  ...  وتعيد لمين
.........  تقول لمين  .........
...............................
عجبى  عليك  قوى .. يا زمن
على ناس مايعجبهاش عجب
رافعين  مناخيرهم فى السما
ومنفوخين .. من  غير  سبب
عاملين  ملايكه ..  محترمين
ولا  يفهموا  شئ  فى  الأدب
فاكرين  إن  البشر  ..  إتخلق
من  طين  .. وهما  من  دهب
عجبى  عليك  قوى .. يا زمن
.................................
دا  إحنا  كلنا ....  بنى أدمين
ومخلوقين  كدا  ..  من طين
وربنا  بيحب  ........   عباده
اللى  بيكونوا  ..  متواضعين
أما  المغرور  ......   والمتكبر
بيكونوا  دايمآ  ...  مكروهين
ولو  كل  واحد  يعرف  أصله
كنا  حقيقى  إرتاحنا  ..  كتير
وتقول  لمين  ..  وتعيد  لمين
.........  تقول  لمين. ..........
...............................

بقلمى///  ربيع الغريب
////////////////////