الكلام فيه وفيه بقلم توفيق بومدين

الكلام فيه وفيه
خويا لا تكون مصدق
لكل من قال كلام
راه كلام الناس يفرق
شي بالمحبة كاسو فايض
وشي فبحور لعداوة يغرق
خود من كلام الناس زبيبة
راه لكدوب مصيرو يتبرق
مال الدنيا مالت
سواريها رابو
شي يغرب وشي يشرق
كثرو لحروب
الخو ياكل خوه
كولشي عاجباه لفراجة
لا من ينصح ولا من يفرق
ما اليوم ما بقى معقول
كولشي مدهي مشطون
ما عرفت شكون نصدق
فين لكلام المعسول
فين الرزانة
فين الحشمة وفينك يا وقار
كولشي اصبح مبرق
الكبير عند الصغير فراجة
والصغير ناقساه ترابي
غير غادي ويخربق
لو كان نفهمو لكلام
ونفرقو لحلال عل الحرام
يبقى الخير مهرق
هدا كلامي ليكم يا مجمع لحباب
للي فهمو راه فيه معاني
حتى عجب ما بقى مدرق
مين تساليو من قرايتو
نبغي كل واحد فيكم يسفق
توفيق بومدين