فين ابو وشين؟؟؟!!!
***********
من كتر الناس
اللي بميت وش
وحشونا الناس
اللي بوشين ....
من كتر ما شوفنا
الناس بوشوش
يبقي ابو وشين
ع الراس والعين
احترت بجد مش
عارف اخلاقنا
وقيمنا وأصول
عليها متربيين...
حد يقولي ....
راحت فين ؟!
**********
انا حاسس اني في
الدنيا دي مغشوش
من كتر ما شوفت
الناس بوشوش
زي ما يكون كل
الصادقين راحوا
ما رجعوش ...
مش فارقه معاهم
لا حلال وحرام
بيربوا كروش ..
ويقولك اللي معاه
قرشين بيساوي
قروش ........
***********
ولو انت ابن أصول
متربي وصاحب دين
هنقولك ع الراس والعين
لكن في زماننا الحالي
هتلاقي في وشك ...
ميت باب مقفول ....
ما احنا بقينا عايشين
في زمان اللامعقول ..
************
حمدينو الشهاوي
ليست هناك تعليقات:
إرسال تعليق