لو شفتي يااااامي
كيف لقا اصحابي
للي قلت احبابي
عيونهم في الارض
موشومين بالذل
زادوا شقايا وعذابي
لو شفتي يااااامي
شحال راريت بهم
على وعدي وسعدي
وجوهم من الشر
مرسومة بالغدر
هذا هو مكتابي
لوشفتي يااامي
الزهر عندي مكبوب
في كاس مشقوق
مدفگ من شراجمي
سايل من بابي
لو شفتي يااااامي
عيونهم سم
فين لقا الحب
فين لقا الخير
فين لقا دوايا
شنو كان سبابي
لوشفتي يااامي
شحال كتوزع
لحم بنادم في لقهاوي
وفي مجمع الرشاوي
الغيبة ولات راية
فوق الجبال والهضابي
لوشفتي يااااامي
هاذ الزمان
كثر عجوبو
ثقل الخطاوي
ورش لعطور ببسمة
واخا ضاع شبابي
واخا ضاع شبابي
***فؤاد البياز القاسمي ***
ليست هناك تعليقات:
إرسال تعليق