الموضه
بقلمي عبدالحميد عزت
يا تري دي تسريحه
ولا تقليد اعمي
هي دي اكبر شريحه
بقت موضه في مجتمعنا
خلت شعورهم منكوشه
نظام جديد ما هوش بتاعنا
ولما تيجي تنصحهم
يبجح فينا ويسمعنا
يا عم انت موضه قديمه
وايش عرفك باللي ينفعنا
واقوله يا كسفتني
مش عارف اقول
ابني ولا مش تبعنا
رد عليه وقالي
خليك في حالك يا ابا
انا قولت ابعد
احسن نارهم ما تلسعنا
ورحت لمراتي اشورها
شوف ابنك يا ام العيال
ابنك اشتري الموضه وباعنا
ردت وقالتي يا راجل
كل العيال كده
اشمعني ابني اللي بتتكلم عليه
وطي صوتك احسن يسمعنا
ملعون ابو الموضه اللي
خلت ولادنا يقلدو
حاجات ملهاش اي معني
بقلمي عبدالحميد عزت
الثلاثاء، 28 أغسطس 2018
الموضة بقلم عبد الحميد عزت
الاشتراك في:
تعليقات الرسالة (Atom)
ليست هناك تعليقات:
إرسال تعليق