((( إتعظ يا إنسان )))
كلمات/ ربيع الغريب
..........................
الدنيا مش راسيه على حال
كل شويه جراح ... وألام
عمر الفرح فيها .. ثوانى
وسنينها بتكون .... أحزان
أفعالها غريبه ..... وتحير
ما كدبش اللى عنها .. قال
قال الدنيا بطبعها خاينه
وغداره وملهاش ... أمان
وإتعظ بقى ..... يا إنسان
إتعظ بقى ..... يا إنسان
................................
واحد صاحبى صدفه قابلنى
سلم عليا .. وقال سلامات
وقف معايا .. بقى يكلمنى
وفضلنا نحكى كتير حكايات
وفجأه مشى وراح سايبنى
وساعة القدر بتكون متاهات
مرت ساعه .. بعد ما فاتنى
جانى خبره وقالوا دا مات
دا لسه كان معايا .. وجنبى
ومسلم عليا وقال سلامات
...........................
أه يا دنيا ... وأه يا زمان
دايمٱ ليه جراح ... وألام
واحد ماشى سليم متعافى
وف لحظه يا دنيا الأحزان
روحه بتطلع كدا على سهوه
ويروح فجأه فى خبر كان
وإتعظ بقى ... يا إنسان
إتعظ بقى .... يا إنسان
..............................
واحد غنى مبسوط ومعاه
والتانى فقير .. يا ولداه
أما الغنى طمعه .. خلاه
عايز يغتنى ... فوق غناه
والفقير مش راضى بفقره
ولا راضى ... بقضاء الله
الكل عايش ... كدا ملهى
وبيعمل بس .... لدنياه
والدنيا دايره ببنى أدم
ماشى فى تيارها ولهياه
..............................
ياللى ماسكين قوى فى الدنيا
وكل همكوا .... جمع المال
لا الفقير فيها .... راح يبقا
ولا حتى الغنى ..... كمان
يا بن أدم .... بص لنفسك
قبل ما يفوت ...... الأوان
فين اللى كانوا قبل منك
وبكره إنت فين يا غلبان
كلنا جينا ....... م التراب
وتحت التراب هنروح ننام
كلنا هنكون ...... أموات
ومنسيين ... مع النسيان
وإتعظ بقى ... يا إنسان
إتعظ بقى ..... يا إنسان
...........................
كلمات/ ربيع الغريب
///////////////////
ليست هناك تعليقات:
إرسال تعليق