سلام الشاعر صباح حمدي

🌷🌷سلام🌷🌷
ع اللي حاسس بخته مايل
واللي جوه قلبه شايل
هم اكبر م الكلام
     وسلاااااام
ع اللي جرحه حير أطبا
والدنيا في عينه خرم إبره
ورافض خطوة للأمام
      وسلااااام
ع اللي في قلوبهم حرب قايمة
والفرحة في عينيهم مش دايمة
ولسانهم ساكت عن الكلام
      وسلااااام
ع اللي بيه الدنيا دارت
وشاف احلامه في لحظة طارت
والاماني صبحت اوهام
   ومليوون سلاااااام
سلام لروحك ويا قلبك
ياللي ربك اللي خلقك
هو نفسه اسمه السلام
سلم له امرك واطلب رضاه
وخد نصيبك وارضي بقضاه
تلقي السعادة زادت زيادة
وروحك غامرها السلام
        وسلاااااااام
#صباح حمدي