خيرة الجيوش بقلم الشاعر أحمد شاهين

خِيرْةِ الجُيُوش
ــــــــــــــــــــــــــــــــــــــــــــــ
هَنِفْضَل لإمْتَى نرَبِّي في دِيَابَه
هَنِفْضَل لإمْتَى ندَادِي الوُحُوش
دُول خَلُّوا وَطَنَّا يَا سَادَه خَرَابَه
هَدَفْهُم مَا يِبْقَى في وَطَنَّا جُيُوش
مَا تِرْحَم يَا جِيشْنَا حَد فِيهُم
خَلِّص عَلِيهُم خَلِّيهُم تُرَاب
دِي نَاس مَدْفُوعَه وعَدُوَّك شَارِيهُم
دَه حَد بيِتْمَنَّى لوَطَنَّا الخَرَاب
بَنَادِق وِآلِي شَايْلَه إيدِيهُم
دُول هُمَّا الدِّيَابَه وِهُمَّا الوُحُوش
مُخَطَّط كِبِير وِاللُّوم مُش عَلِيهُم
مَا يْلِم العَبِيد إلاَّ حَبِّة قُرُوش
أَمِّن حُدْودَك كِيد الجَبَان
وِاقْطَع دِرَاعُه بِدُونِ العِتَاب
هَيِحْكِي التَّارِيخ هَيِحْكِي الزَّمَان
عَن جِيشْنَا العَظِيم إنُّه رَبَّى الكِلاَب
فِي سِينَا وِصَفِّي معَاهُم حِسَاب
حَسْم ودَاعِش وِبَاقِي الذِّئَاب
مَاعَادْش في وَطَنَّا لِيهُم مَكَان
مَا طَهَّر بِلاَدْنَا خِيرْةِ الجُيُوش
ـــــــــــــــــــــــــــــــــــــــــــ
كلمات الشاعر أحمد شاهين
----- مصر - أسيوط -----