.......قطفة حبق .....
شعر باللغة المحكية...
تتمة القصيدة واهديها لجميع الخريجين الجامعيين عامة..وابنتي ميس الريم خاصة مع محبتي...
وياميس الشارقة بأول صباها
شجرة بكرم مابيضحك بلاها
انا بالتهنئة ما بريد قلك
مواعظ تفقد البهجة حلاها
انا برش الندي ع زرار فلك
تيغمر جونا ..عطرا و شذاها
انتي ..شمس وكل النور ظلك
تتهني .....بنجاحك و النباها
............. .....
تلات حروف اسمك ..شو حلو!!
نبع المحبة ...والمحبة بأولو
علي بجوانح بالشجأعة طايرة
وعيفي المرارة واتبعي النوع الحلو
بكرا الك لا تكوني ..حايرة
كوني قوية والقوي الدنيا ..الو
انشالله عدرب العمر تمشي شاطرة
وتتميزي..... وعقول عنك يسالو.
عازار الريم سورية
ليست هناك تعليقات:
إرسال تعليق