ارحميني بقلم أشرف خويتس

ارحمينى
ارحمينى متبعديش
ارحمينى انا نفسى أعيش
وارحمى القلب ال حبك
وال داب م البعد عنك
ارحمينى ومتخافيش
طب ودينى
قلبى عاشق
جوا منه سهم راشق
حب عمره مينتهيش
ارحمى الدمعه فى عيونى
ال محبوسه فى جفونى
لو تعيشى يوم بدونى
قلبى مايهناله عيش
ارحمى الدمعه ال جفت
لما نشفت فى  العيون
صهد نار البعد كفت
لما صاب قلبى الجنون
ارحمى البسمه ال بهتت
لما دابت ع الشفايف
لما جوا القلب سكنت
لما صار القلب شايف
ارحمينى يامنايا
قلبى مقتول م الغياب
دانتى نور قلبى وهنايا
قلبي بيك على طول شباب
اوعى يوم تتزلى ليهم
متخافيش نبح الكلاب
حقد بيغمى فى عنيهم
ايه يفيد بس   العتاب
لو بيطمر عشنا فيهم موش هيتمنواالعذاب
ارحمينى وارجعى
وارحمى القلب ال حبك
طب هقولك اسمعى
رجعينى لهمس خدك
رجعينى احضن شفايفك
وأبقى شايفك بتناديتى
رجعينى لحضن قلبك
رجعينى اعيش سنينى
رجعى البسمه ال غابت
وال بهتت ع الطريق
رجعى الفرحه ال دابت
قلبى صار وياك غريق
ارحمى بعد المسافه
ال ر اح  تحرمنى منك
صدقيني ماهيش غلاسه
ياما قلت فى شعرى عنك
حبى موزون باالكياسه
نبض قلبى حته منك
عمر ماعاش فى الخباثه
ولا خيب مره ظنك
والا مرة غاب وظلمك
ارحمينى وحسى بيا
شفتى مره قلبى ظلمك
ارحمينى يانور عنيا
كل املى ابقى جنبك
طفى نار العشق فيا
طفى نار قلبى العفيه
دانتى نور قلبى وحياتى
أغلى شىء فى الدنيا ديا
ال بتخفف اهاتى
ربنا يخليكى ليا
دانت أجمل حاجه حلوه
أحلى من مليون هدية
انت بسمه انت غنوه
انتى ليا دنيا تانيه
انتى عندى حاجه ساميه
لو تغيبى عنى ثانيه
راح أعيش وسط الدموع
قلبى حس قيامه قايمه.
دنيا فانيه بدون رجوع
ارحمينى ومتغبيش
ارحمينى انا نفسى اعيش
قلبى من غيرك ماليش
ارحمينى ومتغبيش
ارحمينى
أشرف خويتس