بحلم أكون فرعون زماني بقلم الشاعر أشرف سليم شحاته

بحلم أكون فرعون زماني
والحلم فيه كل الاماني
أشكل حكومة غلابة
تفرم تدوس كل الديابة
الديابة دول كتير
بيمصوا في دم الفقير
المرة دى جاي ناوي
له منصب ولا غاوي
جي اعالج جي اداوي
لا أنا ساحر ولا حاوي
بس ممكن اكون مخاوي
مخاوي كل الغلابة
حاوي وناوي للديابة
راح ادوس على كل ديب
وامد ايدي في كل جيب
واخد وادي الغلابة
واضرب با ايد من حديد
علي يسرق قوت وليد
اعمل قانون جديد
الأكل يبقى أكل واحد
واللبس كمان لبس واحد
الغني زي الفقير
والوزير زي الغفير
ح افتح مراكز تدرب
كل الولاد العطلانين
حوزع الأرض اللي هي
ع الغلابة الشقينين
حزرع كل الشوارع
أشجار جميلة مثمرة
حاجات كتير
لسة في حلمي
بس ياريت حلمي
.............يكون
بقلم / أشرف شحاته   سليم