الفقر بقلم خضر خليفة

الفقر
هزيتني  بحرفك الموجوع
تستجدي ميت ما  الو  رجوع
الضمير الحي لي بالامس كان
مات ما عاد ع السمع مسموع
نبشت صورة من فضا النسيان
ضويت عا حبل خير مقطوع
انكأت جرح حركت وجدان
بكيت  عيني  مليتها  دموع
يا موج القوافي هوج بركان
انتفض يا شاعر شمر للكوع
اكتب شعر تقل  الاوزان
يا قلم عبر  يا حبر فوع
الجار غفي ع مخدتو جوعان
وجار نايم بين اللحم والضلوع
وجار من كتر الحكي  شبعان
عبي الامعاء  شعر والمصران
بلكي الحرف بيسد هالجوع
خضر خليفه