تارك الصلاة والزكاة
============
ياك الما بلا شرا
والقبلة بلا كرا
والجوامع ديما حالا
غير حنا اللي مفرطين
كيف تعمل ليلة القبر
ما ينفعك مالك لا كثر
و لا ولد يلا كبر
ولو يجيو احبابك كاملين
كيف تعمل يا تارك الفجر
غرك الشيطان وهم الدنيا اكثر
غي الله يحفظ و يستر
الأغلبية ساعة الفجر نايمين
كيف تعمل يا تارك الصباح
ما ينفعك لا بكا لا نواح
اصحاب السؤال بمطارقهم ليك موجدين
كيف تعمل يا تارك الظهر
في قبرك سبع لفاع كتجر
وعلى الكزرة مقابلين
كيف تعمل يا تارك العصر
ما تنفعك لا أموال لا قصر
تعصرك لفعى من الظهر
تايوليو عينيك خارجين
كيف تعمل يا تارك المغرب
ما عند باك فين تهرب
جهنم عليك تزرب
ونيرانها شاعلين
كيف تعمل يا تارك العشا
في قبرك تلقا لفعى مكمشة
ف وجهك مكشرة و انيابها ماضيين
كيف تعمل يا تارك الزكا
الشجاع الأقرع ما عندو معاك مفاكة
وكاع الأغنياء مصيرهم هاكا
على حق المساكين اللي كانوا مضيعين
علي الكرش : 2017/10/20
ليست هناك تعليقات:
إرسال تعليق