رحلة علم
راحت عليك ياقلم
سنك مابيداويش
الحبر مالي العلم
رفرف بعيد ماتجيش
الحرف عندي اتظلم
وسفينتي ما بترسيش
مكتوب لي اوصف ألم
ودوايه ما بيشوفنيش
واطفي بناري الحمم
وبناري ليه مادريش
يا نسر فوق العلم
منزوع في جسمه الريش
انا واحد كتير اتفرم
وعيشت الحياه درويش
إمسك بإيدك علم
حرك قلوب بتعيش
قتلها كتر الندم
علي ناس مابتساويش
عاشوا كمثل الصنم
وماتو بجرة ريش
ياسر مهدي عمرو
ليست هناك تعليقات:
إرسال تعليق